MPSC Exam Pattern Update: स्पर्धा परीक्षेची तयारी करणाऱ्या राज्यातील लाखो उमेदवारांसाठी महाराष्ट्र लोकसेवा आयोगाने (MPSC) एक अत्यंत महत्त्वाचा निर्णय घेतला आहे. आयोगाने प्रस्तावित केलेली संगणक-आधारित परीक्षा पद्धती (CBT – Computer Based Test) जुलै २०२७ पर्यंत स्थगित करण्यात आली आहे. त्यामुळे आगामी काळातील परीक्षा पूर्वीप्रमाणेच पारंपारिक ओएमआर (OMR Sheet) पद्धतीनेच घेतल्या जाणार आहेत.
महाराष्ट्र लोकसेवा आयोगामार्फत घेण्यात येणाऱ्या राज्य सेवा, गट-अ, गट-ब आणि गट-क पूर्व परीक्षा वर्षातून दोन किंवा अधिक वेळा ऑनलाईन/डिजिटल स्वरूपात (CBT) आयोजित करण्याचे नियोजन करण्यात आले होते. मात्र, विविध विद्यार्थी संघटना आणि परीक्षार्थींकडून मिळालेल्या निवेदनांची दखल घेत आयोगाने हा निर्णय जुलै २०२७ पर्यंत पुढे ढकलण्याचा निर्णय घेतला आहे.
कोणत्या परीक्षांवर होणार परिणाम?
आयोगाने प्रसिद्ध केलेल्या अधिकृत शुद्धिपत्रकानुसार खालील परीक्षांसाठी संगणक आधारित पद्धतीचा निर्णय तूर्तास स्थगित राहील:
- महाराष्ट्र नागरी सेवा राजपत्रित गट-अ व गट-ब संयुक्त पूर्व परीक्षा
- महाराष्ट्र गट-ब (अराजपत्रित) सेवा पूर्व परीक्षा
- महाराष्ट्र गट-क सेवा पूर्व परीक्षा
शिक्षण क्षेत्रात आणि स्पर्धा परीक्षा विश्वात या निर्णयामुळे मोठा दिलासा मिळाला आहे. राज्यभरातील अनेक विद्यार्थी विशेषतः ग्रामीण भागातील विद्यार्थी संगणकीय परीक्षा पद्धतीऐवजी जुन्याच OMR पद्धतीने परीक्षा घेण्याची मागणी करत होते. स्पर्धा परीक्षेच्या तयारीसोबतच विद्यार्थ्यांना शैक्षणिक आणि प्रशासकीय दाखल्यांसाठी विविध सरकारी उपक्रमांचा फायदा होतो, जसे की छत्रपती शिवाजी महाराज महाराजस्व समाधान शिबिर: मुंबईत एकाच छताखाली शेकडो नागरिकांना मिळाले विविध दाखले व शासकीय योजनांचे लाभ! यांसारख्या योजनांचा लाभ विद्यार्थी घेऊ शकतात.
निर्णयाचे मुख्य कारण काय?
MPSC ने यापूर्वी २५ जून २०२६ रोजी प्रसिद्ध केलेल्या पत्रकानुसार २०२७ पासून वर्षातून दोन किंवा अधिक वेळा CBT पद्धतीने परीक्षा आयोजित करण्याचे जाहीर केले होते. मात्र, डिजिटल पायाभूत सुविधांची उपलब्धता, ग्रामीण भागातील विद्यार्थ्यांचे तांत्रिक आव्हान आणि प्रत्यक्ष परीक्षा केंद्रामधील अडचणी विचारात घेता उमेदवारांनी जुन्याच पद्धतीने परीक्षा घेण्याची मागणी लावून धरली होती.
या निवेदनांचा गांभीर्याने विचार करून आयोगाने विद्यार्थ्यांच्या हितासाठी हा मोठा निर्णय घेतला आहे. शिक्षण क्षेत्रातील अशा विविध घडामोडींवर सरकारचेही बारीक लक्ष असते. नुकतेच विनाअनुदानित महाविद्यालयांच्या प्रश्नांवर राज्य सरकार सकारात्मक; उच्च शिक्षण मंत्री चंद्रकांतदादा पाटील यांची महत्त्वाची माहिती समोर आली होती, ज्यामुळे विद्यार्थ्यांचे शैक्षणिक प्रश्न सोडवण्यावर भर दिला जात असल्याचे दिसून येते.
विद्यार्थ्यांसाठी काय आहे महत्वाचा संदेश?
परीक्षा पद्धतीत अचानक बदल न झाल्यामुळे विद्यार्थ्यांना आता आपल्या अभ्यासावर आणि ओएमआर (OMR) उत्तरपत्रिका भरण्याच्या सरावावर लक्ष केंद्रित करता येणार आहे. जुलै २०२७ पर्यंत परीक्षा पद्धतीत कोणताही अचानक तांत्रिक बदल होणार नसल्याने विद्यार्थ्यांनी जुन्याच रणनीतीनुसार आपला अभ्यास सुरू ठेवावा, असे आवाहन करण्यात येत आहे.