महाराष्ट्र: संपूर्ण महाराष्ट्रात सध्या मान्सून चांगलाच सक्रिय झाला असून राज्याच्या विविध भागात मुसळधार पावसाने हजेरी लावली आहे. कोकण, उत्तर महाराष्ट्र, पश्चिम महाराष्ट्र, मराठवाडा आणि विदर्भातील अनेक जिल्ह्यांमध्ये पावसाचा जोर वाढला आहे. ताज्या आकडेवारीनुसार, राज्यात सरासरी ३१.७ मिमी पावसाची नोंद झाली असून कोकण किनारपट्टीच्या जिल्ह्यांमध्ये पावसाचा सर्वाधिक धुमाकूळ पाहायला मिळत आहे.
ठाणे आणि पालघर जिल्ह्यात विक्रमी पावसाची नोंद
दुपारी ४ वाजेपर्यंत प्राप्त झालेल्या शासकीय माहितीनुसार, गेल्या २४ तासांत सर्वाधिक पाऊस ठाणे जिल्ह्यात (१९६.९ मिमी) नोंदवला गेला आहे. त्याखालोखाल इतर जिल्ह्यांमध्ये खालीलप्रमाणे पावसाची नोंद झाली आहे:
- पालघर: १८५.४ मिमी
- रायगड: १३४.१ मिमी
- मुंबई उपनगर: १२५ मिमी
- पुणे: ६९.४ मिमी
- मुंबई शहर: ६२.१ मिमी
मुसळधार पावसामुळे अनेक भागांमध्ये पर्यटनासाठी जाणाऱ्या नागरिकांच्या सुरक्षेचा प्रश्न निर्माण झाला आहे. म्हणूनच प्रशासनाने खबरदारीचा उपाय म्हणून मावळमधील पर्यटनस्थळांवर ३१ ऑगस्टपर्यंत बंदी; कलम १६३ लागू, पर्यटकांना प्रशासनाचा मोठा इशारा! जारी केला आहे. पर्यटकांनी अशा काळात सुरक्षिततेचे नियम पाळणे अत्यंत आवश्यक आहे.
१ जूनपासून आतापर्यंतचा एकूण पाऊस (जिल्हानिहाय आकडेवारी)
चालू हंगामात म्हणजेच १ जूनपासून आतापर्यंतच्या एकूण पावसाचा विचार केला असता, रायगड जिल्हा अव्वल स्थानी आहे. रायगडमध्ये आतापर्यंत सर्वाधिक एकूण पावसाची (१,४८०.७ मिमी) नोंद झाली आहे. इतर प्रमुख जिल्ह्यांमधील आकडेवारी खालीलप्रमाणे आहे:
- पालघर: १,२९५.४ मिमी
- रत्नागिरी: १,२७३.४ मिमी
- ठाणे: १,१०३ मिमी
- सिंधुदुर्ग: १,००१.४ मिमी
- मुंबई उपनगर: ५१२.७ मिमी
- मुंबई शहर: ५१०.७ मिमी
पूर परिस्थिती आणि प्रशासकीय उपाययोजना
सतत होणाऱ्या या अतिवृष्टीमुळे सखल भागात पाणी साचण्याच्या आणि पूर येण्याच्या घटना घडत आहेत. मुंबई आणि परिसरात साचणाऱ्या पाण्यामुळे निर्माण होणाऱ्या समस्येवर कायमस्वरूपी तोडगा काढण्यासाठी शासनाने मोठे पाऊल उचलले आहे. या संदर्भात मुंबईकरांना पुरापासून मिळणार कायमची मुक्ती! १३ हजार कोटींचा पूर नियंत्रण आराखडा केंद्राला सादर – देवेंद्र फडणवीस यांनी महत्त्वाची माहिती दिली आहे.
दुसरीकडे, डोंगराळ आणि अतिवृष्टी प्रवण क्षेत्रात दरडी कोसळण्याचा धोका देखील वाढला आहे. रायगड जिल्ह्यातील एका दुर्घटनेनंतर शासनाने बाधितांना तातडीने मदत पुरवली आहे. या दुर्घटनेबाबत अधिक माहितीसाठी पेण येथील कावजीवाडी दरड कोसळल्याची घटना: बाधित कातकरी कुटुंबांना प्रशासनाकडून तातडीची मदत जाहीर! हा लेख नक्की वाचा.
शेतकऱ्यांसाठी दिलासादायक चित्र
राज्यातील बहुतांश भागांत पावसाची संततधार सुरू असल्याने शेती कामांना वेग आला आहे. धरणांमधील पाणीसाठ्यात समाधानकारक वाढ होत असून, हा पाऊस खरीप पिकांसाठी अत्यंत फायदेशीर ठरणार आहे. हवामान विभागाने पुढील काही दिवस राज्यातील विविध जिल्ह्यांमध्ये ‘ऑरेंज’ आणि ‘यलो’ अलर्ट जारी केला असून नागरिकांना काळजी घेण्याचे आवाहन केले आहे.