कांदा लागवडी विषयी संपूर्ण माहिती :-
नमस्कार मंडळी 🙏
शेती तुमची सहकार्य आमचे …
आपण आज या लेखा मध्ये कांदा लागवडी विषयीची माहिती बघणार आहोत .
( onion farming full detail information in marathi )
कांदा लागवडी विषयी संपूर्ण माहिती मराठी मध्ये .
● लागवडीची वेळ :-
खरीप : जुलै -ऑगस्ट
रांगडा : सप्टेंबर – आक्टोबर
रब्बी / उन्हाळी : नोव्हेम्बर -डिसेंबर
● सुधारित वाणाच्या जाती :-
खरीप : फुले समर्थ ,बसवंत ७८० , अँग्रिफाउंड डार्क रेड
रांगडा : बसवंत ७८० , फुले समर्थ , एन -२-४-१
उन्हाळी : एन २-४-१ , अँग्रिफाउंड लाईट रेड , अर्का निकेतन .
● लागवडीचे अंतर :
खरीप १५ ×१० से.मी.
रांगडा १५ x१० से.मी. रब्बी / उन्हाळी : १५ – १० से.मी.
● बियाण्याचे प्रमाण किती असावे :-
८ ते १० किलो प्रति हेक्टर.
● खतांची मात्रा किती असली पाहिजे :-
१०० ५० ५० नत्र स्फुरद पालाश किलो / हेक्टर.
● अन्नद्रव्य व्यवस्थापन :-
१ ) सेंद्रिय खते २५ ते ३० टन शेणखत / हेक्टर
२ ) जीवाणु खते : अझोस्पिरीलम व स्फुरद विरघळणारे जीवाणु २५ ग्रॅम / किलो बियाण्यास पेरणीपुर्वी चोळावे.
● आंतरमशागत :-
-१५ ते २० दिवसांच्या अंतराने नियमित खुरपणी करणे.
– लागवडीपासून ३० व ४५ दिवसांनी वरखताची मात्रा द्यावी.
– कांद्याच्या अधिक उत्पादन व तण नियंत्रणासाठी ऑक्झीफ्लोरफेन २३.३ टक्के ई.सी. व ० .०६८ क्रियाशिल
घटक ७.५ मि.ली.
– व क्युझोलफॉप ईथाईल ५ टक्के ई.सी.व ०.०२ कि. क्रियाशील घटक १० मिली या तण नाशकांची १० लिटर
पाण्यात लागवडीनंतर २५ दिवसांनी फवारणी करून ४५ दिवसांनी एक खुरपणी करावी.
● खते देण्याची वेळ :- (कांदा लागवडी विषयी संपूर्ण माहिती मराठी मध्ये .)
१ ) रब्बी हंगामाचा कांदा पुर्नलागवडीपुर्वी १० -१५ दिवस अगोदर गंधक हेक्टरी ४५ किलो या प्रमाणात जिप्सम
किंवा गंधकाच्या स्वरुपात मातीत मिसळावे.
२ ) सेंद्रिय खते लागवडीपूर्वी १५ दिवस अगोदर द्यावे.
३ ) रासायनिक खत ५० :५० :५० किलो नत्र: स्फुरद पालाश / हेक्टर लागवडीच्या वेळी द्यावी व उर्वरीत ५०
किलो नत्र २ समान हप्त्यात विभागून ३० व ४५ दिवसांनी द्यावे.
→ आता आपण कीड व रोगाबद्दल जाणून घेऊ:-
● करपा रोग :-
याच्या नियंत्रणासाठी डायथेन एम ४५ ( ० .३ % ) किंवा टेब्युकोनॅझोल ( ० .१ % ) हे बुरशीनाशक १० ते १५
दिवसांच्या अंतराने आलटून पालटून फवारावेत.
( किटकनाशक व बुरशीनाशकाचे प्रमाण १० लि. पाण्यासाठी दिले आहे.)
●फुलकिडे :
प्रौढआणि पिले पाने खरडवतात. आणि त्यातून बाहेर येणारा रस शोसून घेतात . त्यामुळे पानांवर पांढरे डाग
पडतात यालाच टाक्या असे म्हणतात .
त्याच्या नियंत्रणासाठी डायमेथोएट ३० % ईसी १५ मि.ली. किंवा लॅम्बडा सायहॅलोथ्रीन ५ % ई.सी. ६ मि.ली.
या
किटकनाशकांच्या आलटुन पालटुन फवारण्या करावा . अधून मधून ५ % निंबोळी अर्काची फवारणी करावी.
फवारणी करतांना चिकट द्रव्याचा ( ० .१ % ) वापर करावा.
● उत्पादन खरीप १०० ते १५० क्विंटल / हेक्टर रांगडा : २०० ते २५० क्विंटल / हेक्टर रब्बी / उन्हाळी : २५० ते
३५० क्विंटल / हेक्टर.
तुम्हाला जर हि माहिती उपयोगी वाटत असेल . तर कृपया हा लेख इतरांना पाठवा.
धन्यवाद !